Virus immunity ug kaso sa lampposts

Daghan nang sakit ug mga virus nga miigo sa nagkalain-laing dapit sa kalibutan ang mikutlo og liboan ka mga kinabuhi apan salamat sa kahitas-an kay wa gayod kita maigo niini.

Milabay na ang SARS, Anthrax, Avian Flu ug karon Influenza A H1N1 apan wa gayod kini makasulod dinhi sa Nasud. Kini tungod sa maayo ug sayong pagpangandam sa atong mga health officials sa pagbabag sa maong mga virus nga makasulod. Ingon sila immune kuno kita sa mga virus nga makamatay. Seguro tinood! Apan gumikan kini sa panaghiusa sa katawhan, mga health officials, simbahan ug mga pag ampo ngadto sa kahitas-an.

* * *

Sa di madugay malutsan na unya og warrant of arrest sila si kanhi mayor Teddy Ouano, Boy Radaza ug lain pang mga opisyal sa Department of Public Works and Highways human maduso ngadto sa Sandiganbayan ang kasong kriminal nga gipasaka kanila tungod sa pagkalambigit sa gipaburot nga prisyo sa decorative lampposts.

Sa di madugay kun di lang unya magmika ang atong mga prosecutors sa pagtaral ning kasoha makuha na gyod unya sa katawhan ang hustisya nga ilang gipangita human tukba gikan kanila ang minilyon nga salapi.

Apan mas hingpit gyod unta ang hustisya nga makuha sa katawhan kun giapil pa sa pagpasaka og kaso ang tag-as nga opisyal sa gobyerno nga dili gayod mahitabo nga wa usab makasapi sa transaksiyon.

* * *

Happy Birthday kang Jerald Jay nga nagsaulog sa iyang adlaw nga natawhan karong adlawa. Greetings gikan sa imong papa ug mama Nora, Nenen, Honey, Hannah ug Hennah.