Traffic aide gireklamo

"Good day, Sir. Duna koy isumbong bahin sa traffic aide diri sa Taboan, sa may Tres de Abril St. Mangayo siya’g parking fee unya mangutana pa kun tiketan ba o dili na lang. Pagkahuman mokuha dayon og P15." -- 0917-4588533 (Sent: 01:43:28pm--July 21, 2008)

Legal ang pagpangolektag parking fee kun kana gipasikad sa usa ka balaud, ordinansa o unsa pa dihang legal nga kalig-onan.

Paneguro lang gyod mog pangayo og resibo o cash ticket ba kaha hinuon aron pagseguro nga dili mahulog sa pribadong bolsa ang gibayad ninyong parking fee.

Dili na angay pang mangutana ang traffic aide kun tiketan ba o dili kun siya maningil og parking fee ngadto sa mga tag-iya’g sakyanan nga iyang kolektahan. Kay siya mismo nasayod nga kinahanglan gyod nga siya moisyo og ticket, resibo o cash ticket kun siya mangolektag kuwarta.

* * *

"Good PM, Sir. Naa lang koy concern mahitungod sa mga PUJ driver sa rota nga Laray-Inayawan. Maluoy kong magtan-aw nila sa panahon sa kagabhion. Daghan kaayong mga batan-on mag-atang sa mga driver kay manghingi og para sambog sa ilang imnonon. Kun dili hatagan, manghadlok sila sa mga driver. Magpundok ni sila atbang sa simbahan sa Laray." -- 0928-3445611 (Sent: 01:01:35pm--July 21, 2008)

Akong isugyot nga ipaabot ninyo ngadto sa mga barangay opisyal kanang maong problema. Labing maayo nga mabadlong kanang maong mga batan-on sa mga tanod kay nakahatag silag kahasol sa mga PUJ driver.

Kanang pangdelihinsiya usa ka binuang buhat. Dili maayong pasagdan lang kanang mga batan-on diha sa atbang sa simbahan sa Laray nga mangayo og kuwarta sa mga PUJ driver. Extortion kanang ilang gihimo.

Nagsalig ba kana sila nga adunay Juvenile Justice nga makapanalipod nila? Posible! Pero dili kini angay makapaluya sa proper authorities sa pagpahigayon sa hustong operation sa balaod.

Aksiyoni kini ninyo, Sir!

* * *

 (Sumbong ug reklamo? Text sa 0910-8105522).