"Good day, Sir. Naa lang koy ipahungaw sa sentimento. Bahin kini sa gaas (kerosene) nga gamitonon kaayo sa mga pobre. Nganong mahal man gihapon ni kaayo? Mao man ni nga produkto ang pinakabarato sa una. Pirme lang ba daugdaogon ang mga pobre?" -- 0905-9503938
Salamat sa imong pagpadangat sa imong sentimento, higalang texter. Taas na bitaw kaayo ang presyo sa gaas karon. Angay sab ning i-rollback. Pero kun dili gyod mous-os ang presyo niini ug lad-an na mog maayo sa kamahal, naa koy alternatibong sugyot: suwayi ang uling!
Although mahal na sab ang uling karon pero mas makadaginot og diyotay kay sa kerosene. Magkabuling lang!
* * *
"Good day, Sir. Unsay angay buhaton bahin ining kompaniya nga nihatag og suweldo nga tag P180 every day sa mga trabahante nila? 12 hours ang trabaho ug walay overtime payment." -- 0910-7852055
Ang angay ninyong dangpan mao ang DOLE. Isang-at ninyo ang reklamo nga underpayment of wages ug non-payment of overtime.
* * *
"Good PM. Para ni ngadto sa mga highway police. Kun manakop sila sa mga dispatser maayo unta kun molahos sila sa pagrobing diri sa Kalawisan, Cordova, Cebu. Naay dispatser diri nga mamaregla kun dili hatagan og kuwarta sa mga driver." -- 0906-6947962
Abusado diay kaayo nang maong dispatser. Morag korek. Morag makataronganon ba ang iyang gihimo! Kahilas!
Isumbong kana ninyo ngadto sa kapolisan o ba kaha sa mga tanod. Mas maayo sab nga magpadangat kamo'g reklamo ngadto sa mga opisyal sa brgy. Kalawisan aron mabadlong kanang maong dispatser.
Nakapuwerhisyo kanang maong dispatser ngadto sa mga driver kay pareglahan man niya ang dili mohatag og kuwarta. Unsa siya? Gisuwerte? hayahaya god niya!
Maayo untag maaksiyonan kining problemaha sa nahingtungdang mga awtoridad. Palihog, aksiyoni!
(Sumbong ug reklamo? Text sa 0910-8105522).