‘Kapalit muna ni mommy’

ANONG URI NG HAYOP ANG KAKAIN SA SARILI NIYANG LAMAN?

Anong uri ng ama papatusin pati sariling anak? Buhay pa ito sinusunog na ang kaluluwa noong June 2, 2008 muling bumalik sa aming tanggapan si Lorna Ycong ng Dongalo, Parañaque na may dalang magandang balita. Dininig ng Diyos ang kanilang pinaglalaban.

Kung inyong matatandaan unang lumapit si Lorna kasama ang apo na itinago natin sa pangalang “Liza” nung Enero 25, 2008. Sila ay nagsampa ng kasong Rape in Relation with Violation of RA. 7610  laban sa ama na si Bryan Jim Villenas.

Si Liza ay siyam na taon na ngayon. Ipinagkatiwala sila ng kanilang ina na si Jingle Ycong Villenas sa pangangalaga ng amang si Bryan. Kasama niya ang bunsong kapatid na si George. Tumira sila sa Brgy. Talon Dos, Las Piñas City.

Si Jingle ay umalis patungong Korea taong 2005 sa ka­gustuhan niyang mapaganda ang buhay ng kanyang pamilya. Gumawa siya ng paraan para hindi sila umaasa sa sustentong ibinibigay ng magulang ng asawa.

Sampung libo (10,000php) kada buwan ang ipinapadala nito kay Bryan mula ng  mangibang bansa ayon kay Lorna. Binilin din ni Jingle sa kanyang ina ang mga anak habang siya ay nasa abroad.

Upang siguruhin na nasa magandang kalagayan ang kanyang mga anak, nagpadala ng pera si Jingle kay Lorna upang lumuwas ng Maynila. November 24, 2007 na dumating si Lorna sa Las Piñas mula sa Davao City.

Sa kanyang pananatili sa tahanan ng kanyang mga apo, nagkaroon siya ng pagkakataon na makausap ng matagal ang dalawang bata habang si Bryan ay nakikipag-inuman sa kapitbahay. 

Nagulat ito ng bigla na lang umiyak si Liza. Tinanong niya kung ano an dinaramdam nito.

“Hawak-hawak niya ang kanyang harapan at sinabi na masakit daw ito. Ang ginawa ko niyaya ko siya sa itaas ng bahay. Nagulat ako ng makita ko na namamaga pa ang ari nito. Kinuwento niya sa akin ang lahat. Natatakot siya dahil nag-iinom na naman daddy niya. Kadalasan ginagawa ito sa kanya kapag lasing. Nanginginig ako sa galit. Para akong sinaksak sa likod ng malaman ko ang patraydor na ginawa sa aking apo. Sana ay hindi mahalata kapag tinakas ko ang bata,” pahayag ni Lorna.

Nang malaman ang bagay na ito kinausap niya agad si Jingle na huwag munang kumprontahin si Bryan dahil kapag nangyari iyon baka hindi niya makuha si Liza. Galit na galit si Jingle kay Bryan.

Gumawa ng plano si Lorna para maitakas ang apo. Nagpaalam siya kay Bryan para magsimba kasama si Liza at pagkatapos ay hindi niya binalik pa sa ama. Hindi na sila umuwi sa Las Piñas.

Nagtungo sila sa Womens and Children Protection Desk ng Las Piñas City Police Station. Dito sinabi ni Liza kung paano siya bastusin ng kanyang ama kaya gusto niya itong makulong.

“Hinuhubad niya ang short at panty ko. Pinapasok niya ang ari niya sa ari ko. Umiiyak ako dahil masakit. Hinahalikan po niya ako sa labi at pinapatungan. Maraming beses po niya itong ginagawa lalo na pag lasing siya. Sabi po ni daddy wag ko daw sabihin sa iba at WALA SI MOMMY KAYA AKO DAW PO ANG KAPALIT.” Ayon sa salaysay ni Liza

Matapos ay pinasuri si Liza upang tiyakin kung totoo ang sumbong nang bata. Lumabas sa Medico-Legal Report na isinagawa  ni P/Senior Inspector Editha Marinez na, Conclusion: Anogenital finding is suggestive of blunt force trauma. Maliwanag na may matigas na bagay ang ipinasok sa ari ng musmos.

Nang malaman ni Bryan ay mariin niya itong itinaggi. Sinabi niya na gawa gawa lamang ni Lorna ang lahat para makuha ang pangangalaga sa kanyang anak. Hindi daw niya ito magagawa sa anak dahil mahal na mahal niya ang mga ito.

Dinagdag pa niya na ang pakay lamang ni Lorna ay makuha ang bata para sa kanya na ipadala ang pera mula kay Jingle. Pinabulaanan naman ni Lorna ang mga bintang ni Bryan laban sa kanya.

Nagfile ng Petition for Habeas Corpuz si Bryan para mabawi ang kanyang anak sa pangangalaga ni Lorna. Subalit pinanigan ng korte si Lorna. Lumabas ang desisyon nung January 14, 2008 at sinasabi na:

“Upon recommendation of the social worker and upon manifestations of both parties, for the best interest of the minor, the custody is hereby given temporarily to the grandmother, considering that the mother is out of the country.”

Si Liza ay nananatili ngayon sa piling ng lola niyang si Lorna. Dinala niya ito sa isang psychiatrist upang tulungang maalis sa murang isipan ng bata ang mapait na sinapit nito umano sa ama.

Lumabas ang resolusyon nung Macrh 14, 2008, agad itong binalita sa amin.

“Respondent’s evidence is shorn of substance and consists mainly of denials. Well settled is the rule that denials, if unsubstantiated by clear and convincing evidence, are negative and self-serving and deserve no weight in law and cannot be given greater evidentiary value over the averments of the complainant who sworn under oath on affirmative matters.

WHEREFORE premises considered, undersigned respectfully recommends that respondent be charged with the following crimes.

Rape as defined and penalized under Art. 226-A [d] of the Revised Penal Code aggravated by the fact that Respondent is the father of the child victim under Art. 266-B paragraph 6 of the same code in relation with violation of Republic Act no. 7610; and

Sexual assault as defined and penalized under Art 266-A par.2 of the Revised Penal Code with the aggravating circumstance under Art 266-B par.10 of the same code Respondent  being the father of the child victim, in relation with violation of Republic Act no. 7610; and

Other Acts of Abuse as defined and penalized under section 10[A] of Republic Act No. 7610. And that the attached [3] information be approved for filing in court of proper jurisdiction.

NAGFILE AGAD ng Motion for Reconsideration si Bryan subalit DENIED ito at lumabas ang “warrant-of arrest” laban dito. Sa ngayon nagtatago na si Bryan at isang buwan na umanong hindi ito umuuwi.

Sa mga may impormasyon sa kinaroroon nitong si Bryan Natividad Villenas ay ipagbigay alam niyo lamang sa aming tanggapan. Sa iyo naman Bryan kung wala kang kasalanan makipag-ugnayan ka sa aming tanggapan. Ang iyong pagtatago ay nangangahulugan na meron ka ngang kasalan.

PARA SA MGA biktima ng krimen o may legal problems maaaring tumawag sa 6387285 o sa 6373965-70. Maari din magtext sa 09213263166 at 09198972854 o magpunta sa aming tanggapan sa 5th Floor City State Center Bldg., Shaw Blvd., Pasig City.Maari din kayong mag Email sa [email protected].