Gikan ako sa bukid sa Barangay Tabla kay lagi didto nagmisa. Pauli na kami paingon sa kumbento sa dihang nakaligis kami og gamay’ng bato. Natumba ang motorsiklo samtang ako ug ang drayber naligid, maayo na lang gani kay wala maparok ang pihing nga ulo sa semento. Tsk! Tsk! Tsk! Ang bato gayud maoy nakaangin niadto.
PAMALANDONG
Sa akong pagpamalandong sa maong hitabo, akong nakit-an ang kinabuhi sa tawo. Mahimong madaot o dili ba mamatay siya kun mga ginagmay’ng mga sakit o pagpakasala ang dili niya atimanon. Kun ang usa ka libo dili makompleto kun wala ang piso, mao usab ang Katilingbanong Pagpakasala nga naumol ug namugna sa pagpakasala sa kada tawo. Ang planetang kalibutan ang karon gihulga sa mga katalagman kini tungod kay ang pagpasagad gihimo man sa mga daghang indibidwal.