Usa ka silingan nakighinabi sa usa ka siyete anyos nga batang lalaki. Iya kining gipangutana: "Pila mo ka buok bata sa inyong balay?" Ang bata mitubag: "Walo" Unsa? Kadaghang kuwarta ang mausik anang mga bataa uy!" tuwaw sa hamtong. Ang bata mitubag: Dili baya, wala man namo sila palita, hinunoa amo lang silang gimatuto ug gipadako!"
Pamalandong
Husto baya ang pagplano og pamilya. Apan nahimo na kining immoral kun ang tumong ug tuyo sa pagplano alang lamang sa mga kinaugalingong panlantaw sa mga ginikanan. Dugang pa, angay natong masayran nga ang bata gasa sa kahitas-an ug kay gasa man, natural lamang nga ampingan ug palamboon.