EDITORYAL - Pangandaman ang tanang krisis

Ang Office of Civil Defense dinhi sa Sugbo mipahinumdom ngadto sa mga hingtungdang buhatan sa kagamhanan nga dili lang ang pagpatunhay sa kalinaw ug pagpaguwapo sa dakbayan ang asikasuhon kalabot sa umaabot nga 12th ASEAN Summit karong Disyembre.

Ang tanang matang sa katalagman pangandaman suma pa ni Angel Gaviola, ang regional director sa OCD-7. Kinahanglan nga andam kanunay ang mga opisyal sa lokal nga kagamhanan sa bisan unsang krisis nga motumaw.

Pananglitan dunay kusog nga bagyo ang moigo sa Sugbo atol sa Summit, unsa may buhaton aron sa paghatag proteksyon sa mga langyaw'ng delegado?

Hinuon ang mga tambalanan dinhi sama sa Cebu Doctors Hospital, Chong Hua Hospital ug Vicente Sotto Memorial Medical Center giandam na isip primary hospitals diin dad-on kadtong delegado o ba kaha mga delegado nga makasugat og emerhensya.

Husto si OCD-7 Regional Director Gaviola: Tanang matang sa katalagman pangandaman atol sa ASEAN Summit.