Ang American constitution kapin na sa 100 years old. Ug matud pa, kausa ra sila makahimog kausaban, bali ra pog usa ka sentence. Apan dinhi sa ato mora lang tag nagduwa-duwa sa atong Konstitusyon.
Karon, di lang kay amendment lang, kondili, revision gyud ang buot buhaton sa atong mga lider. Ug ila kining dali-dalion, sila-sila ra ang magsabut-sabot. Ug kon mahinayon, morag mag-snap plebiscite ta, diin mobotar konohay pag-uyon sa mga revision sa Constitution. Ug lagmit, mahinayon gyud ang ilang mga laraw tungod kay sila ra man ang nagsabut-sabot.
Ug tungod kay ang atong mga local officials, motuman man gyud sa kagustohan sa Malacañang, lagmit mahinayon gyud ang cha-cha, ug mag-parliament na unya ta. Sa ato pa, tungod kay gipaagi man sa plebisito, maisip nga constitutional ang ilang mga lakang, ug gi-aprobahan pa sa katawhan pinaagi sa plebisito. Limpiyo kaayo ang tanan.
Ug inig-implement sa bag-ong Constitution, lagmit waa nay eleksiyon, extended silang tanan sa poder. Bidang hayahaya! Ug giingon nga ang atong pag-shift to the parliamentary system, maoy kasulbaran sa tanang problema sa nasud.
Alang nila, dili sila ang problema, kondili ang sistima, maoy hinungdan nga kinahanglan idayon ang cha-cha, ug kinahanglan dalion, samtang naa pa sila sa gahom, ug aron ma-permanente o madugay-dugay silag tungtong diha sa gahom.
Pangutana: Makaayo ba sa nasud nga Pilipinhon ang ilang pagdukot diha sa gahom? Kon makaayo, nan, dalion natog usab ang Konstitusyon, waa nay eleksiyon, ug pirme na sila diha sa gahom. Ug congratulations Philippines! Sikat ang Pinoy!