GAB Chair Clarin isu-supervise ang sapakan nina Maloney, Guevarra 

MANILA, Philippines — Inimbitahan si Games and Amusements Board (GAB) Chairperson Atty. Richard S. Clarin ni World Boxing Council (WBC) President Mauricio Sulaiman para i-supervise ang sapakan nina Andrew Moloney ng Australia at Pedro Guevarra ng Mexico para sa WBC super flyweight interim championship fight.

Gaganapin ang sapakan ngayong araw sa RAC Arena sa Perth, Western Australia at naatasan si Clarin, na siya ring WBC International Secretary at miyembro ng WBC Board of Governors, para i-supervise ang nasabing laban.

Magsisilbing mga hurado sa bugbugan sina Humberto Olivares ng Mexico, Samantha Bulner ng Australia at Zanashir Taznaa ng Mongolia samantalang referee naman si Japanese Yuji Fukuji.

Pangunahing layunin ni Clarin sa kanyang ‘3XPRO advocacy’ na ‘promote, professionalize, protect’ ang Philippine sports kaya isu-supervise niya ang naturang laban nina Moloney at Guevarra para tiyaking patas ang magiging bakbakan at ligtas ang mga boksingero.

“GAB Chairperson Atty. Richard S. Clarin, who is also the World Boxing Council (WBC) International Secretary and a Member of the WBC Board of Governors, was requested by the WBC President, Mauricio Sulaiman, to supervise the WBC Super Flyweight Interim  Championship bout between Andrew Moloney (Australia) and Pedro Guevara (Mexico) to be held on Sunday, 12 May 2024 in RAC Arena, Perth, Western Australia,” ayon sa statement ng GAB.

“The GAB and the WBC are working together to PROMOTE and PROTECT the health, safety, and welfare of all professional boxers.”