MRT-3, target maisapribado sa 2027
MANILA, Philippines — Target ng Department of Transportation (DOTr) na maisapribado ang operasyon ng Metro Rail Transit Line 3 (MRT-3) sa kalagitnaan ng 2027.
Ayon sa DOTr, isasailalim sa bidding ngayong taon ang P103.6-bilyong concession agreement upang ma-award ito sa napiling pribadong operator sa kalagitnaan ng susunod na taon.
Sa ilalim ng kasunduan, ibabatay sa kalidad ng serbisyo at pagsunod sa performance standards ang bayad sa concessionaire, kabilang ang pagiging maaasahan ng mga tren, pagsunod sa iskedyul, at maayos na maintenance ng mga tren at pasilidad.
Inaasahan ding mapabilis ng concession agreement ang modernisasyon ng MRT-3. Gayunman, mananatili sa DOTr ang kapangyarihang magtakda ng pamasahe.
Ayon kay Transportation Secretary Giovanni Lopez, pipiliin ang operator na may sapat na karanasan sa pagpapatakbo ng riles. Hiwalay ding iaalok ang MRT-3 sa pribadong sektor at hindi ito isasama sa isang package kasama ang Light Rail Transit Line 2 (LRT-2).
- Latest
