Duterte, Xi at Putin magpupulong
MANILA, Philippines - Magkakaroon ng bilateral meeting si Pangulong Rodrigo Duterte kina Chinese President Xi Jin Ping at Russian President Vladimir Putin sa sideline ng APEC Leaders Summit sa Lima, Peru.
Ayon sa impormante sa Malacanang, ang bilateral meeting ni Pangulong Duterte kina Xi at Putin ay magaganap sa Sabado ng tanghali bago ang pormal na pagbubukas ng APEC Summit.
Mismong si Pangulong Duterte ang humingi ng bilateral meeting kay Putin ng bumisita sa Malacanang kamakalawa ng gabi ang Russian ambassador.
Nais ni Pangulong Duterte na magkaroon ng closer ties ang Pilipinas sa China at Russia matapos niyang batikusin ang Estados Unidos.
Samantala, inamin ni Pangulong Duterte na excited na siyang makaharap si Putin sa sidelines ng APEC Leaders’ Summit sa Peru.
Sinabi ni Pangulong Duterte, ‘excited’ siyang makaharap si Putin dahil pareho silang mahilig sa baril at hunting.
Ayon kay Pangulong Duterte, siya mismo ang nanghingi ng bilateral meeting kay Putin at iginiit pa sa Russian ambassador ang kanyang pagnanais makausap ang Kremlin leader.
Idinagdag ni Pangulong Duterte, wala naman siyang ibang babanggitin kay Putin kundi ang hangaring makipagkaibigan. Partikular daw na ilalapit ni Duterte kay Putin ang pagpapalago sa trade relations ng Pilipinas at Russia.
- Latest
