Tsino nahulihan ng isang kilong shabu sa Pasay

MANILA, Philippines – Nasa isang kilo ng shabu ang nasabat sa isang hinihinalang big time Chinese drug trafficker matapos masakote sa lungsod ng Pasay kagabi.

Kinilala ni Philippine Drug Enforcement Agency director general Arturo Cacdac Jr. ang suspek na si Gao Qiang

Nadakip si Qiang sa isang operasyon ng PDEA-National Capital Regional Office sa Newport Boulevard sa Pasay City bandang 11:45 ng gabi.

Nakaplastic ang shabu na nabawi ng mga awtoridad mula sa Chinese national.

Inihahanda na ang mga kasong isasampa labang kay Qiang.