2 huli sa 1 kilo ng shabu

MANILA, Philippines - Kapwa nakakulong ngayon sa Pasay City Jail ang isang Chinese national at isang Tsinoy matapos mahulihan ng humigit-kumulang sa isang kilong shabu sa  parking area ng isang hotel sa Pasay City noong Biyernes ng gabi.

Kinilala ni  Police Senior Supt. Florencio Ortilla, hepe ng Pasay City Police, ang mga suspek na sina Peng Wang, 37 at James Oy, 29.

Ayon kay Ortilla, alas-7:30 ng gabi  nagsagawa sila ng surveillance operation sa 4th floor ng parking area ng isang hotel sa Pasay City nang makatanggap sila ng tip  hinggil sa illegal na operasyon ng mga suspek.

Nagresulta ito sa pagkakadakip sa dalawa kung saan nasamsam sa mga ito  ang humigit- kumulang sa isang kilong shabu.

Ang mga suspek ay sinampahan ng  kasong paglabag sa Republic Act 9165 o ang Comprehensive Dangerous Drug Acts of 2002.