Sanggol inabandona muntik nang lapain ng aso
MANILA, Philippines - Isang sanggol na babae na tinatayang isa’t kalahating buwan ang muntik nang lapain ng aso makaraan itong iwan sa tapat ng isang bahay sa Quezon City, kamakalawa ng gabi.
Dulot ng matinding pag-iyak ng sanggol, narinig ito at natagpuan ng isang Tammy Gabriel, 16, may-ari ng bahay na pinag-iwanan ng sanggol sa kahabaan ng E. Rodriguez Avenue, sa lungsod dakong alas-7:30 ng gabi.
Ayon kay Gabriel, kung medyo nahuli siya sa paglabas ng kanilang bahay, ay baka naunahan na siya ng mga asong gala na nakita niyang inaamuy-amoy na ang naturang sanggol at tila gusto na itong sagpangin.
Sa ngayon, ang naturang sanggol ay naiturn-over na sa Department of Social Welfare and Development (DSWD) para sa kaukulang disposisyon at pangangalaga.
- Latest
- Trending
