MANILA, Philippines - Tatlong kababaihan ang nadakip ng tropa ng Metro Manila Regional Office (MMRO) ng Philippine Drug Enforcement Agency (PDEA) sa isinagawang raid sa isang drug den sa lungsod ng Marikina, iniulat kahapon.
Nakikilala ang mga suspect na sina Salima Lee, alyas Salima at Vilma; Lorenza Abdul; at Teresita Peñalosa; pawang mga naninirahan sa Marikina City.
Nadakip ang mga suspect sa bisa ng search warrant na ipinalabas ni Judge Amor A. Reyes, Executive Judge ng Branch 21, RTC Manila sa mismong bahay ni Salima sa may Riverside, Brgy. Tumana sa lungsod.
Narekober sa mga suspect ang 3 plastic sachet na naglalaman ng shabu at isang piraso ng plastic sachet na may residue ng shabu.