Koreano nalugi sa negosyo, nagbigti

MANILA, Philippines - Dahil sa labis na de­presyon matapos na mabangkarote sa kan­yang negosyo, isang Korean national na nag­bakasyon lamang sa kanyang kapatid dito sa Pinas ang nag­pasyang tapusin ang kanyang buhay sa pamamagitan ng pag­bigti sa sarili sa Que­zon City, kahapon.

Nakilala ang nasawi si Min Kyoo Chi, 42, binata, negosyante at nanunulu­yan sa North Susana, Executive Heights sa lungsod.

Ang bangkay ng da­yuhan ay nadiskubre ng kanyang katulong na si Charlena Garin, 31, ha­bang nakabitin sa kisame ng kanyang kuwarto sa ikalawang palapag nito.

Ayon sa ulat, ang bik­tima umano ay nag­ba­kas­yon lamang sa bansa para dalawin ang kapatid nitong si Baeyool Chi, 47, na isang negosyante at 15 taon nang naninirahan sa bansa.

Nobyembre 2009 pa ng dumating sa bansa ang nasawi na ayon sa kanyang kapa­tid ay gus­tong magpa­hinga para mapawi ang dinadala nitong problema dahil sa pag­kalugi nito sa ne­gosyo sa kanilang bansa.

Sinasabing huling nakitang buhay ang na­sawi pasado alas-12 ng madaling-araw nang umuwi ito ng kan­yang tinutuluyan ma­tapos bu­misita sa kanyang ka­patid na si Baeyool na nanunulu­yan naman sa West Triangle.