Kano hulog mula 10th floor ng condo

MANILA, Philippines - Inaalam ng pulisya kung tumalon o aksiden­teng nahulog ang isang American national mula sa ika-10 palapag na condo­minium na tinutuluyan nito matapos matagpuan ang bangkay nito sa Pasay City kamakalawa ng gabi.

Sa inisyal na report, naki­lala ang biktima na si Dean Edward Buzoff, 52, taga-Pennsylvania, USA at kasalukuyang nanunulu­yan sa Unit #1016 Park Ave­nue Mansion, na mata­tagpuan sa Park Avenue, Pasay City.

Nagtamo ito ng matin­ding pinsala sa ulo at nag­kalasug-lasog ang kata­wan na naging da­hilan ng agaran nitong ka­ma­tayan.

Nabatid na tumawag sa pulisya ang security guard na si Rodrigo Re­gahai upang ipaalam ang insidente.

Ayon kay Regahai, habang nagsasara siya  ng ilaw, napansin nito ang nakahandusay at duguang biktima sa kaha­baan ng F. Sanchez St., harapan ng Dave’s Fine Apart­ment, na malapit lamang sa condo­minium na tinutuluyan nito, dakong alas-11:45 ng gabi.

Dahil dito ay mabilis na ru­mesponde ang mga ka­gawad ng Pasay City Po­lice at dito nga tumam­bad sa kanila ang duguan at wala ng buhay na biktima na kinilala sa pamama­gitan ng passport at mga per­so­nal na dokumentong na­kuha dito.

Ayon sa pulisya, nag­sa­­sagawa sila ng malali­mang imbestigayon kung ang nabanggit bang dayu­han ay tumalon, nahulog o inihulog mula sa ika-10 pa­­lapag na condominium na tinutuluyan nito. (Lordeth Bonilla)