MANILA, Philippines - Patay ang isang 4-anyos na batang babae matapos mahagip ng water tanker habang ang una ay naglalaro sa gilid ng kalsada sa Valenzuela City kahapon.
Nakilala ang nasawi na si Aramae Josue ng Candido St., Brgy. Mapulang Lupa ng nabanggit na lungsod dahil sa matinding pinsala na tinamo nito sa ulo at katawan. Agad namang sumuko si Joel Manero, 37 at kalugar ng biktima.
Sa report ng pulisya, alas-11 ng umaga, naglalaro ang biktima sa Candido st., nang mahagip ito ng Isuzu Elf, na isang water tanker, (TEG-179) na minamaneho ni Manero. Tumilapon ng ilang metro ang biktima na naging dahilan upang dalhin sa pagamutan pero hindi na rin pinalad na maisalba ang buhay, habang sumuko naman si Manero. (Lordeth Bonilla)