Bebot tinadtad ng bala sa ulo

Tadtad ng tama ng bala ng baril sa ulo ang bangkay ng isang babae na natagpuan kamakalawa ng gabi sa Querzon City

Patuloy naman ang isinasagawang imbestigasyon ng pulisya para alamin kung ano ang posibleng motibo sa pagpaslang sa biktimang nakilalang si Efigyne Buenaobra, 30, residente ng Feria Compound, Pook dela Paz, Brgy. Old Balara, ng nabanggit na lungsod.

Ayon sa imbestigasyon ng pulisya, dakong alas- 11:45 ng gabi nang matagpuan ng isang Rolando Rivera sa Liwanag St. Brgy. Old Balara ang biktima na nakahandusay at naliligo sa sariling dugo.

Agad niyang tinignan ang biktima at nakita niyang tadtad ito ng tama ng bala ng baril sa ulo kung kaya’t agad siyang humingi ng tulong sa pulisya.

Inaalam pa ng pulisya kung ano ang motibo sa krimen, gayunman tinitingnan pa rin ng mga awtoridad kung ang nasawi ay biktima ng panghoholdap o di kaya ay may kinalaman sa anggulo ng droga. (Doris Franche)