Ayon sa isang insidente ng NBI, pirmado na umano ni Pangulong Gloria Macapagal-Arroyo ang papeles ni Bulaong bilang bagong direktor kapalit ni Atty. Nestor Mantaring na nakatakda namang ilipat bilang bagong assistant secretary umano sa Department of Justice (DOJ) dahil sa hindi pa ito umaabot sa "mandatory retiring age".
Hindi naman kinumpirma ni Alex Carbonel, hepe ng NBI-Public Information Office, ang naturang ulat dahil sa wala pa naman umano silang natatanggap na opisyal na memorandum ukol sa pagpapalit ng pinuno ng ahensiya.
Sinabi nito na matagal nang may mga ulat na hihirangin nga si Bulaong bilang bagong NBI chief matapos na italaga ito bilang assistant director ngunit wala pang kumpirmasyon.
Tinangka naman ng PSN na kunin ang pahayag nina Mantaring at Bulaong ngunit abala ang mga ito ukol sa pagbibigay ng seguridad sa ginaganap na ASEAN Summit sa Cebu City. (Danilo Garcia)