Agad na nagtungo sa CPD-Baler Police Station ang biktimang nakilalang si Eduardo Vargas, 40, ng Blk. 8 Lot 15 La Forteza Subdivision, Camarin, Caloocan City upang ireklamo ang nasabing aktor.
Batay sa imbestigasyon ni PO3 Joselito Chantengco naganap ang insidente dakong alas-11 ng gabi sa underpass ng EDSA at Quezon Avenue.
Nabatid na patungong Delta si Vargas lulan ng isang Mazda van na may plakang PMR-247 nang aksidenteng mabangga nito ang kulay asul na Pajero ni Roldan na may plakang 70 LTO.
Dahil dito, bumaba ng kanilang mga sasakyan sina Vargas at Roldan kung saan humingi ng dispensa ang una sa aktor.
Subalit bigla na lamang umano siyang pinagsusuntok sa ibat-ibang bahagi ng katawan ni Roldan.
Hindi pa umano ito nakuntento at binunot pa ang dalang baril at saka ipinalo sa kanyang ulo.
Ayon sa pulisya hindi naman nagpakita sa kanila ang inireklamong aktor. (Ulat ni Doris Franche)