Ang biktima ay tinatayang nasa gulang na 17-19 anyos, may taas na 5’4’’ hanggang 5’5 talampakan, nakasuot ng puting t-shirt na may nakasulat na "Heaven’s Delight", maong na pantalon at tsinelas.
Base sa imbestigasyon ng pulisya, ang biktima ay natagpuan ni Jason Ruiz, isang pandesal vendor dakong alas-5:30 ng madaling-araw sa Lizst St., Ideal Subdivision, Brgy. Commonwealth ng nasabing lungsod.
Ang biktima ay nakabigti sa puno ng mangga gamit ang telephone wire.
Wala sa mga residente sa lugar ang nakakakilala sa biktima kung kaya posible umanong doon lamang ito nilikida ng mga vigilante sa pamamagitan nang pagbigti.
Ang bangkay ng biktima ay dinala sa PNP Crime Laboratory upang isailalim sa awtopsiya. (Ulat ni Doris Franche)