Ridon sa OVP: ‘Wag nang mag-drama, magbayad na lang ng catering
MANILA, Philippines — Iginiit ni House prosecutor at Bicol Saro Partylist Rep. Terry Rison sa Office of the Vice President (OVP) na huwag mag-drama dahil may sapat naman silang pondo para bayaran ang catering ng defense team ni VP Sara Duterte.
Kasunod ito sa kahilingan ni VP Duterte kay Senate President Sherwin Gatchalian na bayaran ng Senado ang gastusin sa pagkain ng defense team sa tuwing may paglilitis sa Senate Impeachment Court .
Sinabi ni Ridon na kung ang alalahanin lamang ng OVP ay hinggil sa paggamit ng pondo ng gobyerno ay puwede naman aniya na si VP Duterte na mismo mula sa kaniyang malaking kaperahan ang magbayad nito.
“Huwag ho tayong mag-drama-drama rito. Meron namang pera ang OVP para dito. It is just a matter of the Vice President actually signing off for the office,” ani Ridon.
“It is the Vice President who is on trial here. Kung ayaw niyang gamitin ang pondo ng OVP, baka magandang gamitin na lang ang personal niyang pondo,” giit pa nito.
Inihayag pa ni Ridon na mas makakatipid ng pondo si VP Sara kung mananatili ito sa Pilipinas kaysa panay ang biyahe sa ibang bansa.
- Latest
