Ang uyab kanhi BF sa sister

Dear Tita Salie,

Just call me Fanni, still single but in a relationship with a Nepalese national. Taudtaod na ang among relasyon ug, so far, wala pa kami makasinati og bug-at nga problema. Kining akong BF, ex-BF kini sa akong sister, unya maglisod ko’g sulti sa akong sister nga kami na sa iyang EX kay tingali’g masuko siya nako. Pasabta ko.

Dear Fanni,

Panahon sa kalisod ug kasayon, wala kay laing katambayayong kun dili ang imo lang pamilya. Unsa kaha ang imong bation kun ang imong sister dili mosulti kanimo sa tinuod? Siyempre, masakitan ka! Ingon usab niana ang bation sa imong sister. Busa, sultihi ang imong sister sa tinuod. Wala’y aso nga makumkom, mahibaw-an gihapon niya ang tinuod. Mas maayo nga diha nimo niya mahibaw-an ang tanan, kay sa laing tawo. Ayaw kahadlok kay ang imong boyfriend karon wala na’y relasyon sa imong sister pagkakaron. –

 Tita Salie