Pista sa bukid

Gula 18

Tuod nangaligo sa dagat ang magbarkada. Adunay tulo ka ulitawo nga barkada ni Kenn nga mikuyog ug nakapasamot sa kasadya sa grupo.

“Wow kanindot kaligoan dinhi uy, tin-aw kaayo ang tubig sa dagat. Klaro gud kaayo ang mga isda nga magtago-tago sa kilid sa bato,” matud ni Lyn nga nalingaw kaayo.

Sa pagpangaligo sa grupo, nagpares-pares sila kay ang usa diay sa tulo ka lalaki, boyfriend ni Nympha nga taga pikas baryo sa Luyang, Tabuelan.

“Hala, kamo Alice ug Clemen, pag-partner na lang ‘sab mo sa akong mga barkada nga sila si Edward ug Jessie kay aron dili kamo mabentahaan ni Lyn nga na-partner na ni Kenn,” matud ni Nympha.

Alegre kaayo ang grupo sa ilang pagpangaligo. Sila si Kenn ug Lyn nakakita gayud og puwesto nga dili sila makita kaayo sa ilang mga barkada ug adto sila didto magparayganay.

“Mingawon na man hinuon ko mobiya dinhi sa Tabuelan Kenn,” matud ni Lyn. “Ako ‘sab Lyn, sigurado nga mura ko niini og mabuang kun imo na nga biyaan ug mobalik ka na sa siyudad,” ni Kenn nga migakos sa dalaga.

Matag karon og unya, mobalik gayud sila si Kenn ug Lyn ngadto sa daw kuweba nga bahin, ilawom sa bato ug adto sila didto magparayganay.

“Kun dili gani nako maantos ang kamingaw kanimo Lyn, moapas baya ko nimo sa siyudad ha?” giingnan ni Kenn ang iyang girlfriend.

“Sure, tayminga nga akong dayoff, kanang Saturday kay para makapanuroy ta,” matud ni Lyn. (Sumpayan)