Maria Magdalena

Sa akong hunahuna makapuwerhisyo gyud siya nako ug sa pagpuyo namo ni Neggar sa umaabot nga mga adlaw, karon nga nagkita na kami pag-usab.

Paglabay sa pipila ka gutlo. Mi-score mi pag-usab. Pagkahuman, nanggawas na mi sa motel.

Pag-abot namo sa gawas, subli kong gipahinumdoman ni Bob bahin sa among gikasabotan. Ako siyang gitando aron makalakaw na ko pauli sa Lapulapu.

Pag-abot nako sa balay, midiretso ko sa lawak namo ni Neggar. Mibagting ang akong cellphone. Si Bob ang nanawag. Dili unta nako tubagon apan wala kini mohunong sa pagtawag.

Dili kaayo mahinungdanon ang iyang tuyo. Igo lang siyang nagsusi kun nahiabot na ba ko’s balay. --Sumpayan pa