Mata sa kasingkasing
Sayo kunong milakaw si Robert pero wala magsulti kun asa kini mopaingon. Maayo gani kay nahiabot ang manghod ni Robert gikang naglaag. Kini ang mitug-an kang Angeline nga si Robert atua sa Marvella Bowling Center kay nagdula og bowling.
Misakay dayon og traysikol si Angeline ug nagpahatod sa Marvella Bowling Center nga nahimutang sa Gallares Street. Tuod man, nagkita gayod sila si Robert. Ingon sa nakugang si Robert pagkakita kaniya.
Daw wala magdahom si Robert nga mahitungha si Angeline sa Marvella Bowling Center. Mihunong kini sa pagdula og bowling pagkakita niini sa iyang pag-abot. Miduol kini kaniya.
“Nganong nahiabot ka man dinhi?” Gipangutana si Angeline sa ulitawo.
“Ikaw ang akong tuyo,” tul-id nga tubag sa dalaga.
“May problema ba?”
“Mao kanay gusto kong sutaon.”
Nakamatikod si Angeline nga gitutokan siya ni Robert.
“Nganong usa ka man ka semana nga wa mopakita sa eskuylahan?” Miligdong ang nawong ni Angeline samtang mipasupot sa maong pangutana. -- Sumpayan pa
- Latest
- Trending
