Mata sa Kasingkasing

Gula 131

“Unsang klaseha sa tabang ang gusto mo nga akong buhaton?” Gipangutana ni Angeline si Erik.

“Maghimo ta’g drama,” nagkanayon si Erik. “Patuohon ta si Almina nga duna tay relasyon.”

“U-unsa?”

“Kini ray nahunahunaan kong paagi nga makalikay ko kang Almina.”

“Ug nagtuo ka nga mosalir nang paagiha?”

“A-Angeline...”

“That’s illogical, Erik. Taphaw ra sab kaayo ang maong gimik aron motuo si Almina.”

Wala makatingog si Erik.

“Nasayod kong gubot karon ang imong pangisip maong wa ka na makahunahuna kun unsay maayong buhaton, Erik,” ni Angeline pa. “Pero sorry to disappoint you. Di ko makahimo sa gusto mong atong buhaton. Makonsensiya ko sanglit babaye ko sama kang Almina.”

Wala gihapon motingog si Erik. Mipitokpitok lang ang mga mata niini nga daw naghinuktok sa gisulti ni Angeline. -- Sumpayan pa