Mata sa Kasingkasing
Gula 95
Niini, nakaingon si Angeline sa hilom nga suwerte gyud si Almina. Suwerte gyud ang mga guwapa nga sama kang Almina. Ug ang mga laksot nga sama kaniya labay-labayan lang sa gugma.
Naputol ang pagpamalandong ni Angeline dihang miduol si Robert kaniya. Mao pay iyang pagkaamgo nga taudtaod na diay siyang naghinuktok sulod sa library.
“Maayo kay nia ka,” giingnan ni Angeline si Robert.
“Ngano man diay?” Nakapangutana si Robert.
“Di man ta mag- leksiyon ron. Mag-check ra man ta sa atong blue book sa miaging midterm exam. Di lang una ta moklase. Gusto ko nga imo kong ubanan karon.”
“A-asa man ta?”
“Gusto kong malingaw. Dad-a ko bisan asa, Robert.”
Nahitutok si Robert kaniya. Daw dili makatuo ang ulitawo sa iyang nadungog gikan sa dalaga.
“May problema ba?” Nagpakisayod si Robert.
“Wa man,” tubag ni Angeline. “Basta, gusto lang kong malingaw.” -- Sumpayan pa
- Latest
- Trending
