Gula 8
Dihang misinggit unta siya abtik ang tawo nga misap-ong sa iyang baba. Ug nakugang siya dihang iya kining nailhan. Si Walter Toews!
Gilayog siya ni Walter. Nasayod si Angeline nga daotan og tuyo ang Amerikano kaniya kay samtang hugot siyang gipugngan niini aron dili siya makalihok gihagkan sa Amerikano ang iyang ngabil, liog ug dughan.
Apan dili makatugot si Angeline nga mapusgay sa Amerikano ang iyang kaputli. Mao nga nakigbisog siya. Dihang nakahigayon, gisandok niya ang iyang tuhod sa pugaran ni Walter. Mitikuskos ang Amerikano sa tumang kasakit. Midali si Angeline paggawas sa lawak. Milahos siya paggawas sa balay. Ang Amerikano wala mosunod kaniya.
Miduol si Angeline sa waiting shed ug milingkod. Naghunahuna siya kun unsay sunod niyang buhaton. Unya may nalantawan siyang bayhon sa duha ka tawo didto sa unahan. Miduol sila kaniya. Kalit lang gikulbaan si Angeline.
“Kadiyot lang, Miss,” matud sa usa ka tawo dihang mitindog siya ug mihana pagdagan. -- Sumpayan pa