Maunongon Ang Gugma - Gula 56

Ambot lang kaha. Pero wala na ko magtinguha nga malimpiyohan ang akong ngalan sa krimen nga wala nako mabuhat. Ang importante alang kanako karon mao ang katumanan sa akong panimalos kang Brandon Mercado. Puslan mang mabilanggo ko, mas maayo pay utangon ko ang kinabuhi ni Brandon aron dili ko mahayan ang akong pagkabanlod sa bilanggoan.”

Mandaue City...

Labihang lagota ni Randy Unson. Gipalihok na niya ang tanan niyang mga tawo sa pagpangita kang Danica apan pulos napakyas ang iyang mga sinugo.

“Syaro na man usab kun wala gyu’y usa kaninyo nga naka-trace kun hain karon si Danica?” Masuk-anon ang tuno sa tingog ni Randy.

“May nakuha kaming cartographic sketch, Boss,” matud ni Kirat, usa sa mga sinaligan ni Randy. “Pero dili kami makaseguro kun si Danica ba gayod ang anaa sa cartographic sketch.”

“Bahin sa unsa man kanang maong cartographic sketch?” usisa ni Randy. -- Sumpayan pa