Pakyas nga Pangandoy
WILD ORCHIDS - Cindy Jones () - November 4, 2011 - 12:00am

Gula 5

Nianang pagka Domingo, giplano nang daan ni Edwin ang iyang pagabuhaton.

Kay igo-igo ra man ang iyang kuwarta, nahukman ni Edwin nga dapiton ra niya si Beth nga anha sila mangaon sa usa ka kan-anan sa downtown area nga tupad sa usa ka motel.

Nasayran man gud ni Edwin gikan sa iyang amigo nga sa maong kan-anan mahimo nga ang managhigugmaay moderitso pagsulod sa motel agi sa sekreto nga pultahan nga anaa ra sulod sa kan-anan.

Gikontak na ni Edwin ang information desk sa maong motel ug nahibaw-an niya nga dili kaayo dako ang bayranan. Tuod man, pagka hapon, sayo nga miadto sa Fuente Osmeña si Edwin.

Gisuroy usa ni Edwin ang tibuok Fuente Osmeña diin daghan na nga mga tawo nga misuroy ug nagpalabay sa takna. Napuno-puno na ang lingkoranan nga gipahimutang sa punoan sa mga kahoy.

 Taud-taud, kadtong maghigugmaay nga naglingkod sa lingkoranan sa duol ni Edwin nanglakaw mao nga siya dayon ang mibanos sa paglingkod. Gipaabot ni Edwin ang pag-abot ni Beth.

Nabantayan ni Edwin nga dunay duha ka babaye nga mora’g naghung-hongay ug daw nagplano nga moduol kaniya. Arang-arang usab og dagway ang maong mga babaye mao nga gipahiyuman kini ni Edwin.

Miduol ang duha ka babaye sa gilingkoran ni Edwin. “Pwede mi nga makalingkod? Duna man gud mi’y gihuwat,” matud sa usa ka babaye. “Sure..dali.”

Gipahimudsan ni Edwin ang higayon. Gihigala niya ang duha ka babaye nga sila si Susan ug Ditch. Mitingog ang cellphone ni Susan. “Dali na day, ganina ra mi diri,” nadunggan ni Edwin nga may gikaestorya si Susan.

Nakalimot si Edwin nga duna diay siya’y gipaabot kay nalingaw na lang siya pakig-estorya sa duha niya ka bag-ong nahimong amiga.

Takulahaw lang nga nanindog sila si Susan ug Ditch. Gigakus niini ang bag-o pa nga miabot nga babaye. Napasiga ang mga mata ni Edwin kay si Beth diay ang gipaabot nilang Susan ug Ditch.

Hasta si Beth nakurat sab. “Uy, ikaw man lagi na Edwin? Kaila diay mo sa akong mga amiga?” ni Beth pa ngadto ni Edwin. “Karon lang mi nagkaila kay miduol sila nako,” pasabot ni Edwin.

“Hala! Ikaw sab diay ang iyang gipaabot Day! Mao ba ni siya ang imong giingon?” hapit nagkadungan pagpangutana ang duha ka amiga ni Beth. Dihang mitikyop na ang kangitngit, nagbuwag-buwag na ang maghigala.

Sila na lang si Edwin ug Beth ang nahabilin sa lingkoranan. “Adto ta mangaon sa suki nako nga kan-anan sa downtown Beth. Tana,” nanindog dayon ang maghigugmaay. (Sumpayan) 

ADTO ARANG BABAYE BETH DIHANG EDWIN FUENTE OSME
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with