Kamatayon sa Panumpa
Gula 74
Wala motubag si Reno sa iyang pangutana. Gikawhat hinuon niini ang brief case ug giablihan sa iyang atubangan. Nanglugdat ang mga mata ni Xenia pagkakita sa daghang kuwarta sulod sa brief case.
“Diin ka man nianang kuwartaha?” Nakapangutana si Xenia.
“Tinulisan kini sa grupo,” ni Reno pa. “Akong gikawat. Gisolo.”
“Mao diay nga naglagot nimo ang imong mga kauban ug buot ka nilang patyon kay imo man diay silang gi-double cross.”
“Usa lang nis hinungdan kun nganong gusto ko nilang patyon. Pero bisan pag wa kanako kining kuwartaha, patyon gihapon ko nila tungod kay gusto man lagi kong mobulag sa grupo.”
“Paita diay kun masulod ta nianang grupoha, no? Wa na man diay tay kahigayonan nga motiwalag kay patyon man ta kun magtinguha pagbiya sa kalihokan?”
“Mao kana ilang balaod sa grupo. Mahadlok sila nga sa higayon nga may membro nga mobulag sa grupo, kini ang motug-an ngadto sa mga tinugyanan sa balaod sa ilang mga sekreto.”
Nahilom si Xenia. Dihay iyang gihunahuna. Gitimbang-timbang niya ang usa ka butang nga iyang nasuta nga maoy sulbad sa ilang kahimtang. -- Sumpayan pa
- Latest
- Trending
