^

Huni sa pagbati

Sugilanon - Julius B. Panerio / Colawin, Argao, Cebu () - February 5, 2011 - 12:00am

Bugnaw ang palibot niining sayo'ng kabuntagon diin naligo sa yamog ang mga dahon sa kakahoyan ingon man usab ang kasagbutan. Apan mainiton ang among panag-abot ni Jane sa usa ka punoan sa kahoy, diin napuno usab sa mga langgam ang mga sanga niini. Samtang malipayon kaayong nanag-awit sa ilang mga huni nga miduyog sa among pagbati.

"Gidawat ko na ang imong gitanyag nga gugma Jake," ni Jane nga mapahiyumong mikupot sa akong mga kamot.

"Tinuod ka Jane? Kun mao kana daghan kaayong salamat," nako pa nga wala makapugong sa paggakos kaniya.

Halos dili ako makatuo sa akong nadungog gikan sa akong gipangulitawhan nga si Jane tungod kay halos tuig kapin na akong nangamoral kaniya ug karon pa nako madawat ang matam-is niyang tubag.

"Nasuta nako nga ikaw ang lalaking angayan nga tugyanan niining akong kasingkasing," ni Jane nga hugtanon usab nga mibalos sa paggakos.

"Isaad ko kanimo Jane, nga dili mo mahayan ang pagdawat kanako ug pagaampingan ko ikaw hangtod sa katapusang gininhawa niining akong kinabuhi," pasalig ko sa akong hinigugma.

"Daghan usab kaayong salamat Jake, ang tinuod dugay ko na usab ikaw nga gimahal apan gisukod ko usa kung unsa gayod kamatinud-anon ang imong gugma kanako," matud ni Jane.

Unya mihulip ang kainit sa palibot sa dihang migawas si haring adlaw nga maoy miiwag sa hubo namong kalawasan nga nagsalo sa matuod nga gugma. (Kataposan)

AKONG APAN BUGNAW DAGHAN GIDAWAT ISAAD JANE KATAPOSAN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with