Milagro
Sugilanon - Romeo Limpangog () - January 11, 2011 - 12:00am

Ang nangamig nga kabugnaw sa kagabhion ug kusog nga pagbunok sa ulan nga giubanan sa kusog nga huros sa hangin nga habagat sa naghingapin nga hunahuna ni Margarito alang sa pagtabok ngadto sa mainland sa dakbayan sa Lapulapu.

Giatake sa hubak si Magda nga iyang asawa maoy hinungdan nga buot unta siyang moadto sa botika alang unta sa pagpalit og tambal.

Naluoy na siya nga nagtan-aw sa iyang asawa nga naglisod sa pagginhawa ug bugtong makaayo lamang niini mao ang tambal nga maoy gimintin niini sa pag-inom.

“S-sige na tawon R-rito,” nagkanayon ang nagkabugtobugto nga pamahayag ni Magda. “P-paliti ko’g tambal!”

Nahurot ang tambal nga gimintin sa pag-inom sa iyang asawa ug walay botika nga kapalitan sa ilang dapit sa isla sa Olango maoy hinungdan nga nagkinahanglan pa nga motabok siya ngadto sa mainland sa dakbayan diin atua didto ang mga botika nga nagbaligya niini.

Nagsul-ob si Margarito sa kapote alang sa pagtabon sa iyang ulo ug lawas nga dili mahumod sa ulan ug nagdali sa paggawas sa ilang panimalay.

Gisungasong niya ang kusog kaayong ulan ug kusog nga hangin sa tinguha nga katumanan sa gusto iyang asawa.

Apan wala pa gani makaabot si Margarito maoy mibantang sa iyang panan-aw ang natumba nga mga kahoy.

Gianinaw niya ang dagat ug iyang nakita nga dagko kaayo ang balud ug maglisod siya sa pagtabok nga luwan sa iyang sakayan sanglit kuyaw man nga siya na hinuon ang madisgrasya kun malunod.

Mibalik si Margarito sa ilang panimalay ug naghunahuna sa angay niyang pagahimuon ug hangtod nga misantop sa iyang hunahuna ang imahen ni Senyor Santo Niño nga kabilin sa iyang apohan.

Karaan ang maong imahen nga ginama sa kahoy nga gikulit ni Lolo Baresto nga iyang apohan nga dugay na nga namatay.

Nagtinguha na unta si Margarito sa paglabay kay gisamokan na siya nga nagtan-aw niini apan gipugngan siya sa iyang asawa ug mipahimutang sa maong imahen sa gamay nilang altar sulod sa ilang lawak.

Gikuha ni Margarito ang imahen ug gihumol sa tubig nga gisulod sa balde ug gipainom sa gihubak niyang asawa.

Human makainom iyang asawa daw nalumoy kini ug paglabay sa pipila ka gutlo nahibalik usab ang normal niining pagginhawa.

“Rito,!” sampit sa iyang asawa nga nagluto sa ilang pamahaw. “Unsa man tong imong gipainom nako nga epektibo man kaayo?”

Wala makatingog si Margarito. Gitan-aw niya ang imahen ni Senyor Santo Niño nga iyang gipahimutang og balik sa altar ug miluhod sa pagpasalamat sa gipakita niining milagro. (Katapusan)

APAN ASAWA GIANINAW GIATAKE IYANG LOLO BARESTO MAGDA MARGARITO SENYOR SANTO NI
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with