^

"Langitnong hukom"

Sugilanon - Julius B. Panerio / Colawin, Argao, Cebu () - July 20, 2010 - 12:00am

Nagkibot-kibot ang baba ni Noy Opong sa pagyamyam ginamit ang latinong pinulongan dihang iya nang gisugdan ang ritwal sa pagbuhat og balatian ngadto sa usa ka tawo. Nagluhod siya atubangan sa nagbarog nga santos sa altar samtang nagdupa ang duha ka kamot.

Naandan na kini nga buluhaton ni Noy Opong nga maoy nailang bantogang mamamarang sa among dapit. Adunay tawo nga iyang paburoton ang tiyan dungan sa pagtaob sa dagat ug mohiyos ra usab sa paghunas niini.

Anaa poy tawo nga iyahang panangtangan sa kusog ug mobati og tumang kaluya, samtang ang uban mobati sa daw gipanuslok sa dagom ang nagkadaiyang bahin sa lawas.

Labaw sa tanan mahimo usab niyang sirhan sa grasya ang tawo pinaagi sa dautan nga gahom ug putlan sa panginabuhian hangtod mamahimong miserable ang kinabuhi niini.

Kining tanan iyahang nahimo bugti sa makasilaw'ng salapi nga iyang madawat gikan niadtong mga tawo nga naghandom og daotan sa ilahang isig kaingon.

Gitapos ni Noy Opong ang dautang pag-ampo sa espirituhanong pagpanguros pinaagi sa pagbutang sa iyang tuong kamot ngadto sa iyang dughan, sa iyang agtang unya giisa ibabaw sa iyang ulo.

Apan nianang pagkagabii sa iyang pagkatulog, adunay tigulang nagsungkod nga mipakita sa iyang damgo. Nagkanayon kini kaniya.... "Opong!!!! Opong!!! Mobalik ra kanimo ang imong binuhatan."

Sa pagkadungog niya niini iyang gitutokan ang maong tigulang apan nahimong silaw ug inanay nahanaw.

Nakamatngon si Noy Opong nga siya nagdamgo, busa buot niyang mobangon aron sa pagmata. Apan dakong gaba ang mipukaw kaniya tungod kay dili na niya mahimo pa ang pagbuka sa iyang mga mata ug wala na siya'y kahayag nga makita.

"Mao naba kini ang gipakanaog mong hukom alang kanako "Langitnong Amahan? Pasayloa intawon ako sa akong mga kasaypanan," tuaw ni Noy Opong. (Katapusan)

ADUNAY ANAA APAN GITAPOS IYANG KATAPUSAN LANGITNONG AMAHAN NOY OPONG OPONG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with