Ang Impiyerno ni Belen - 2
Gula 107
“Ayaw na lang pag-sir nako, Miss,” nagkanayon ang polis nga nanarapo sa iyang kamot. “Tawga lang ko’g Bonner.”
“Tawga lang sab ko’g Belen,” giingnan ko siya.
“Nalipay kong nagkahimamat ta, Belen,” matud ni Bonner. “I hope nga way masuko kun makighigala ko nimo.”
Unya gitunol ni Bonner ang binukhad niyang tuong kamot alang sa pakiglamano. Nakiglamano ko niya. Gipasiplatan ko lang siya samtang iyang gipig-it ang akong palad. Namatikdan kong guwapo si Bonner.
Dugay kaayong gibuhian ni Bonner ang akong kamot nga iyang gipig-it. Iya kong gitutokan. Mora’g mahilis ko sa iyang tinan-awan.
“Puyde bang mangayo ko sa imong contact number?” Giingnan ko ni Bonner dihang gilugakan na niya ang paggunit sa akong kamot.
“Nga-nganong dili,” daw wala sa hunahuna ko nga mitubag.
Gitug-anan ko siya sa akong cellphone number.
“Usbon ko,” nako pa. “Daghang salamat sa imong pagtabang nako.”
“Way sapayan,” nagkanayon si Bonner. -- Sumpayan pa
- Latest
- Trending
