‘Incubus’
(Gula 74)
Nakugang si Dirk dihang gisultihan ko siya nga gusto kong mahiling ming duha sa doktor nga nag-specialize mahitungod sa uro-genital ug gynecological problems.
“Kinahanglan ba gyud nga buhaton ta kana, Ingrid?” pangutana ni Dirk.
“Mas maayong masayod ta sa matuod nga hinungdan nganong wala gyud ko momabdos hangtod karon,” gipasabot ko siya.
Misugot si Dirk sa nahunahunaan kong buhaton. Busa, dihang nakahigayon, gihinayon namo ang
Sa paggawas sa resulta sa eksaminasyon, nasuta nga himsog ang akong panglawas, labina ang mga organo nga maoy involved sa pagmabdos. Sa laktod, wala koy kakulian sa lawas nga maoy posibleng hinungdan sa dili pagmabdos. Fertile ko kaayo.
Si Dirk ang sunod nga nagpahiling sa iyang kaugalingon. Gitabangan siya ni Cynthia aron mahiling sa kaila niining uro-genito specialist nga nagtrabaho sab sa laing pribadong tambalanan sa siyudad. Sa gihimong pakisusi sa espesyalistang doktor, nasuta nga si Dirk adunay depekto. Sterile siya nga pagka lalaki.
Daw nahugno si Dirk sa maong kasayoran. Nasubo siya pag-ayo. Mibati ko’g kaluoy sa akong bana. Mao diay nga wala gayod magsabak ang mga babaye nga nalambigit sa iyang kinabuhi kaniadto sa wala pa kami magkatrato kay baog man diay siya.
Wala magtingog si Dirk sa amo nang paggawas sa klinika sa uro-genito specialist. Hangtod sa among pagpamauli sa balay wala lang gihapon siya magtingog. Gipasagdan ko lang siya. Naglisod tingali siya pagdawat sa kamatuoran nga baog siya.
Nagmuok siya sa kuwarto. Dili motingog kun akong pakigsultihan. Wala ko na lang siya pugsa. Migawas ko sa kuwarto aron maghikay sa among panihapon. Pagbalik nako sa kuwarto human makahikay, wala na didto si Dirk. – Sumpayan pa
- Latest
- Trending
