Sex slave

Gula 69

Gibalibaran nako si Shawn. Kontento na ko sa akong kinabuhi. Puyde nang dili ko magminyo kay may umaabot na man kong anak. Inigkatawo unya sa bata nga akong gisabak, itingob ko na lang ang akong panahon ngadto kaniya.

“Dili ko angay nimo, Shawn,” giingnan ko siya. “Hugaw na kong pagka babaye.”

Ug gisuginlan ko siya sa nahitabo nako, gikan sa paglugos ni Tiyo Camilo nako, sa akong pagpakigrelasyon sa usa ka tomboy, ngadto na sa pagpakigrelasyon ko kang Leemar. Apan ingon sa wala kini makatarog sa kalig-on sa tinguha ni Shawn pag-angkon sa akong gugma.

“Pakaslan ko gihapon ikaw, Bonita, kun imo kong sugton,” ni Shawn pa. “Wa koy labot sa imong kagahapon. Bisan kinsa ug unsa ka pa, higugmaon ko gihapon ikaw.”

Human nako masuta ang kamatinud-anon ni Shawn, gidawat ko na ang iyang gugma. Mi-propose dayon siya’g kaminyoon. Gusto unta ko nga ayha na kami magpakasal kun makapanganak na ko. Apan nagdali si Shawn. Maong gitakda dayon ang among kasal.

Sa unang gabii human sa among kasal, gitagbaw namo ni Shawn ang among duha ka pagbati. Bisan dako na kog tiyan pero nakahimo gihapon kami si Shawn sa pagsaulog sa karaang ritwal sa gugma. Ako ray iyang gipahigda sa kama. Nagtindog siya sa kilid sa kama tungod sa akong bilahan. Sa maong posisyon gisubli-subli namo pagtagay ang dugos sa lawasnong kalipay. Natagbaw kami pag-ayo.

Malipayon ko uban kang Shawn. Uban kaniya, nasinati ko ang security and assurance sa akong kinabuhi. May mga higayon nga mahinumdom ko sa akong kagahapon. Apan naka-move on na ko. Milabay na ang kangitngit sa akong kinabuhi. Karon may kahayag na ang akong kinabuhi uban kang Shawn.

Nabalitaan ko nga nagmalinawon na usab ang kinabuhi ni Leemar uban sa iyang pamilya. Nahibalik na ang kanhing kamalipayon sa iyang banay. Nalipay ko sa maong hitabo. Nalipay ko nga sama nako, milabay na ang kangitngit sa kinabuhi ni Leemar. May kahayag na usab ang iyang kinabuhi. Managsama ming duha nga wala na sa kangitngit. -- Kataposan