Ang milagro ni San Vicente

Nilanat na ngadto  sa napulo ka tuig sukad sa pagkaminyo nila  ni Socrates   ug Lilit   ug  sud   ining  panahona sa ilang pag-ipon wala lang gihapon makabaton og anak ang magtiayon kay lagi may deperensya kini si Socrates. Pung pa sa iyang mga ginikanan ni Soc nga sa dihang gamay pa kini siyang bata na kurintihan kuno ni siya maong dili na siya maka-anak ug usa ka adlaw niana naglakaw si Soc sa dalan Colon aron mamalit og pagkaon sa iyang amo ug sa dihang ni agi siya sa may Gaisano Metro sa wala matuyo nagkasugat sila sa iyang ig-agaw nga si Bryan nga taga San Fernando.”

Gaw Yan kumusta naman ka dugaya na natong wala magkita oi,” pung pa ni Soc nga nangumusta ngadto sa iyang ig-agaw nga si Bryan.”

Nia gaw nag-antos sa kalisod,” mubo nga tubag ni Bryan ngadto ni Soc.”

Ah!! naglisod kaha ka gaw nga sa imong pamorma dili man katuohan nga naglisod ka,” ni Soc pa.

“Yuna ra gaw sa tulo na nato ka tuig nga wala nagkakita pila namay produkto nimo karon pila naman ang imong anak,” pangutana nga kinomedya ni Soc ngadto sa iyang ig-agaw nga si Bryan.”

Tulo na kabu-ok gaw akong anak mao bitaw nga niingon ko nimo nga lisod kaayo ko dili lalim ang daghan tag-anak gaw oi,” tubag ni Bryan ngadto ni Soc.” Maayo man gani ka gaw nga naa na kay-liwat ako sa napulo namo katuig nga nagpuyo sa akong asawa wala pa gyud mi nakabaton og anak gaw,” kalit lang nagmugtok ang nawong ni Soc dihang naghisgot na sila bahin sa anak nga maoy dugay na nga gipangandoy sa magti-ayon ug sa tan-aw ni Bryan nga naguol si Soc iya dayong gipangutana.

“Wala diay mo nagpatan-aw sa manghihilot gaw,” basin os-os og matres na ang imong asawa maong dili mo maka-anak ,” pung pa ni Bryan ngadto sa iyang agaw nga si Soc.”

Sus gaw daghan na kaayong manghihilot nga among na adto-an pero mi ingon man sila nga wala kunoy problema sa matres ang akong asawa.

Naluoy na gyud kaayo si Bryan ngadto sa iyang ig-agaw nga sa iyang tan-aw nga naguol kaayo nga wala pa siya naka-anak.” Ug karon nisantop sa iyang huna-huna ni Bryan bahin sa Patron sa Pitalo nga si Senyor San Vicente nga gidungog na kaayo nga milagroso ug bisan unsa imong pangayuon ihatag kini basta hugot lang ka sa pagtuo ug karon iyang gisultian ang iyang ig-agaw bahin niini.”

Gaw Soc mao ra gyud ni bugtong ika-tabang nako nimo,” pung ni Bryan nga may nahuna-huna siya.

“Gaw!! Adto mo pangayo ni San Vicente sa Pitalo pag-ampo mo didto Gaw isulti kaniya ang tanan ninyong problema sa imong asawa,” pung pa ni Bryan ngadto ni Soc.

“Ah!! mao ba Gaw!! Sige ugma mo adto ko sa Pitalo Gaw akong isulti ni Lilit kining tanan ,” tubag usab ni Soc ngadto ni Bryan.

Ug karon nangadto gyud ang magtiayon sa Pitalo ug sa pag-abot na nila sa simbahan mingaw kadtong tungora kay adlaw man kadtong Martes nga mao gayud ang adlaw nga ting mingaw. Wala naglangan si Soc gitunlod dayon niya ang iyang tudlo ngadto sa dakong bato nga lingin ang purma diin dunay bindeta ang sulod dayong panguros   ug  kalit lang ni luhod   ug gipiyong niya ang duha niya ka mga mata ug sa tantong ni lakaw ni Soc nga nagluhod padulong ngadto sa rebulto ni San Vicente wala kapugngi ang pagtulo sa iyang mga luha nga nisulti sa tanan niyang problema ngadto sa melagrosong santos.

“Lord nakahibalo naman siguro ka og nganong naa mi karon sa imong simbahan  ania kami uban sa akong asawa nangamuyo nga imo kaming  tabangan nga unta imo   tugahan og anak, aron makompleto kaming usa ka pamilya Lord. Hina-ot pa Lord nga unta dili mi nimo pakyason sa among gihangyo nimo Lord ug kung mahitabo kana Lord nga imo ming taga-an og anak among isaad dinhi sa imong atubangan nga padayon kaming mag-devotion kanimo Lord ug dili namo pakyason sa matag Domingo ang pagsimba kanimo,” naghilak si Soc nga nag-ampo ngadto ni San Vicente ug ang iyang asawa nga si Lilit wala nalang niya samoka. Si Soc nga nag-ampo og nilanat ngadto sa unom ka bulan nagmata og sayo ang magtiayon aron magtrabaho ug sa dihang namahaw na sila. Si Soc miingon. “Day hutda gyud na ang imong pagka-on ha.”

“Oh dong ako gyud ning hutdon kay mapan-os rasad ni,” tubag sad sa asawa   ug sa tanto nilang hungit-hungit kalit lang nagdigwa si Lilit.

“Day ngano man ka nga kalit man lang kang ni suka,” pung pa ni Soc ngadto sa asawa nga dala ang kakuyaw. “Naglain man akong kabuhi dong kalit man lang kung nalipong,” tubag sad sa asawa niini.

“Ah! dili ni maayo day magpa-check-up ta sa doctor. Ug didto nagpacheck-up gyud ang magtiayon ug sa dihang didto na sila sa hospital didto naglingkod si Soc sa gawas sa kuwarto diin gi-check-up ang iyang asawa ug nilabay ang tunga sa oras nigawas ang doctor nga naghiling og wala maglangan si Soc iya dayon kining gisugat. “Doc unsa may sakit sa akong asawa sultihi ko doc,” pangutana ni Soc sa doctor.

“Mr. wala kay angay nga kabalak-an buntis ra ang imong Mrs.   tulo na kini kabulan.”

Pagkadungog ni Soc nga buntis na ang iyang asawa perting lipaya ni Soc ug nakasinggit siya didto sa hospital, “Thank you Lord nga wala ko nimo pakyasa sa akong gipangayo nimo.”

Ug sukad adto naka-anak gyud sila si Soc ug Lilit ug karon sa matag Domingo dili gyud sila mosipyat sa pagsimba ngadto sa milagroso nga si Senyor San Vicente. (Katapusan)