'Udtong Tutok' (12th Bob Marley Day)

"Sugbu. Reggae capital sa Pilipinas. Ang mga mahiligon dinhi sa paningog nga reggae nagpadayon sa pagtamod sa diwa sa usa ka gitawag og "uneducated ghetto poet" - si Robert "Tuff Gong" Nesta Marley kinsa nainila sa ngadto-ngadto isip "poet laureate of reggae music". Naglimin sa mga komposisyon ni Uncle Bob Marley ang balak may kalabutan ang rebelyon. Apan bisan pa man sa iyang mga rebolusyonaryong panghuna-huna, may usa ka humok nga bahin sa iyang kahiladman nga naghupot sa lig-ong pagtoo nga ang "diwa sa usa ka pagkomunidad mao ang pinakamaanindot nga pagbati sa usa ka katawhan."

Isip pagtamod sa pagka-institusyon o haligi sa pagsulbong sa reggae ug reggaenism gikan sa usa ka gamay nga nasud nga ginganla'g Jamaica, usa lamang ka tulbok sa mapa, ngadto na sa kalibutanhong entablado, ug sa iyang di malalis nga tampo sa kalibutanhong kultura, gipanamkon ang "High Noon on the Road to Zion".

Sa usa ka panagtigom sa mga sakop sa prensa sa miaging adlaw diha sa Handuraw Events Café sa Mabolo, nasayran gikan sa Sigbin Haus, Inc. ang ilang mga kalihokan isip pagsustinir sa tinuig nga Bob Marley Day Festival.

Kon buhi pa lamang unta si Marley, magsaulog siya karong Pebrero 6 sa ika-62 nga kasumaran sa iyang adlaw'ng natawhan. Apan kay mihalin man siya sa laing kalibotan sa balatiang melanoma cancer, gi-organisar ang maong festival isip paghandom sa iyang gikabilin-biling gasa ngadto sa kalibutanhong kultura - ang musikang reggae nga dili lamang limitado ngadto sa mga relihiyosong Rastafarians.

"High Noon on the Road to Zion, the big event, will take place on March 24 at the Paseo Mall in Mabolo, Cebu City," mao kini ang pasiunang pamahayag sa mga sakop sa Sigbin Haus.

"High Noon will celebrate the life and sounds of Bob Marley as portrayed in the musical styles of 19 reggae bands mostly from Cebu like Urbal, Junior Kilat, Island Joe, Bambu Spliff, Skunky Muggles and two guest bands from Manila and one from Dumaguete City," matud pa ni Paulo Varela, radio ads and promo in-charge sa Sigbin Haus.

Tungod kay imposible man nga makatukar tanang bandang reggae sa Marso 24, bisan pa man og pagasugdan ang maong kalihokan sa udtong tutok, ang Sigbin Haus naningkamot sa pagbahin-bahin sa mga pasundayag ngadto sa gitawag og "three little events" sa dili pa ang main event sa Marso.

Sugdan kini karong Pebrero 6 kauban ang bandang Junior Kilat nga mohatag og kinabuhi sa mga "unreleased tunes" ni Marley (base sa koleksiyon ni Errol "Budoy" Mirabiles, ang front man sa Junior Kilat) samtang sa Pebrero 6, ang pre-Bob Day concert nga nag-ulohan og "Peek Through the Eyes of a Dreadlock" magtapok sa pito ngadto sa siyam ka mga banda sama sa Junior Kilat, Urbal, Island Joe, Peace 4:20, Pitch Melba ug ni DJ Black Chiny diha sa Club Vudu - Crossroads Arcade sa Banilad. Sa petsa 24, ang pre-Bob Marley Day teaser concert anha usab mahitabo sa The Outpost Restaurant and Bar sa Cebu Veterans Drive, Lahug nga magtigom sa tulo hangtod upat ka mga banda alang sa pagpalanog sa mga wala'y kamatayong komposisyon ni Uncle Bob Marley.

"We are bent on continuing the movement that was started 11 years ago, but for this year nakapili mi'g bag-ong beneficiary. The proceeds of this concert will be donated to the Albert Schweitzer Foundation," matud pa ni Bernadine Vallejos, marketing and promotions officer sa Sigbin Haus.

Samtang gipasalig ni Doogie Pagaduan, marketing and promotions officer, nga ang konsiyerto dili lamang usa ka "event. It is also a movement that we hope would create ripples for more people to appreciate reggae music which is noticed to have a solid base of following here and in fact largely accepted here as with the success of Coolie Dread and the Microphone Commanders when they romped away with top plum in the Motorola School of Rock MoTo band challenge recently," nagkanayon si Doogie.

Ug usab gipasalig ni Sked Besa, ang in-charge sa creative works ug band coordinator sa Haus nga "aside from the usual merrymaking that most concerts are designed for, Sigbin Haus aims to give the event a "deeper meaning" this time. During the event which will start on a high noon nga analogical to the path Bob Marley would want to travel - that is "udtong tutok" to Mt. Zion", duna'y mga multimedia clips nga ipasalida alang sa awareness campaign kon unsa man gyud kining matanga sa musika ug unsa ang nahimong kapuslanan niini," niya pa.

Mahitungod usab sa balaud sa pagsupak sa paggamit og gandja nga giisip nga usa ka "prohibited substance" dinhi sa nasud, nagkanayon si Beverly Tañedo nga mao'y in-charge sa documentation ug promotions nga mata'g banda mopirma og waiver nga dili i-promote ang ilang pagtoo may kalabotan ang marijuana tungod kay maayo ang katuyoan sa maong konsiyerto. Apas-sumpay ni Varela, "we assure of stringent security measures that shall be observed as to prevent anybody or any entity from brushing with the law. Sabagay, mapagarbohon mi nga wala pa gyu'y nahitabong kagubot sa onse na ka mga nakalabay'ng konsiyerto. And we would want that maintained the way we have sustained on its 12th year this endeavor."

Mapalit ang mga tickets sa gate sa Paseo Mall sa kantidad nga P100. May ilusad usab nga bazaar atol sa Bob Marley Day nga magpahiluna sa mga mugna/ginamang lokal nga mga produkto. Usab, giplano na karon sa Sigbin Haus ang posibilidad sa usa ka band camp diin pwedeng maka-interact ang mga fans sa ilang mga aydol nga mga banda ug makapalit gikan kanila sa ilang mga CDs ug lain pang mga merchandise/items.