Inilog sila si Kristine ug Anne

Gitandi diay sa mga himantayon ang pelikulang "Txt" ug ang "Wag Kang Lilingon" nga showing pa hangtud karon. Kini tungod kay puro kini mga horror movies.

Ang tsika sa mga himantayon nga flop o wala mokita ang movie nga co-produced sa Star Cinema ug Viva Films ug gibitoonan nila ni Anne Curtis ug Kristine Hermosa.

Pwes ang usa ka insider gikan sa Star Cinema miklaro ngadto sa PangMasa nga bakak ang mga nanggawas nga taho nga palpak ang Wag Kang Lilingon.

"Kaya tumigil na ang nagkakalat ng balitang flop ang movie dahil no match ang gross result ng "Wag Kang Lilingon" sa gross result pa lang," pong pa niini.

Sunshine gibabagan sa guard sa GMA-7

Mas slim karon si Sunshine Dizon. Matud pa niya ngadto sa PangMasa nga nag-diet siya tungod kay gikinahanglan sa iyang role isip Bakekang.

Dunay prosthetic ang iyang ilong dihang nahinabi sa PangMasa busa gikomedyahan siya kon nakaila na ba niya ang guard sa GMA Network. Nasayran nga makausa diay gibabagan siya sa guard ug gipangutana asa siya padulong dihang misulod siya sa compound sa network.

Dihang iyang gitubag nga siya si Sunshine Dizon ug padulong siya nga mag-taping, nangayo og pasaylo ang guard niya kay wala kini makaila sa aktres.

Matud ni Sunshine nga sinati na kaayo niya karon ang iyang role ug wala na usab siya maglisod og taud sa iyang false teeth. Kaniadto matud pa niya magdugo ang iyang lagos tungod kay ang ipatong nga false gums labihan ka gahi. Karon soft gums na ang gipagamit niya.

Nagpasalamat usab si Sunshine sa positibong feedback nga ilang nadawat ilabi na ang nag-post og mensahe sa Bakekang website. Gipasalamatan usab niya ang mga nanaway niya.

Usa sa mga mensahe sa website nagkanayon: "kung hindi ka magulang, hindi mo maiintindihan si Bakekang, dahil tulad ng iba pang ina, the best lamang ang gusto nilang ibigay sa kanilang anak."

Malipayon si Sunshine sanglit kanunay nga taas ang rating sa Bakekang ug gani extended kini ngadto sa 25-30 weeks. Nagdumili si Sunshine paghisgot sa iyang lovelife kay pong pa niya, non-showbiz ang iyang fafa.