John ug Vanessa expected na

Wala na makugang si Manay Lolit Solis, beterana nga kolumnista sa PangMasa sa pagtin-aw ni John Estrada nga buwag na sila ni Vanessa del Bianco.

Kini tungod kay matud pa ni Manay Lolit lisud ang pag-maintain og long-distance relationship.

Matud ni Manay Lolit, atua sa Canada si Vanessa samtang nia dinhi sa Pilipinas si John. Gawas nga layo sila sa usa'g usa, gasto pa gyud kaayo kay mahal man ang overseas call. Unya kung mupauli man gani si Vanessa sa Pilipinas, imposibleng dili si John ang mubayad para sa iyang fare.

Gitandi ni Manay ang relasyong John-Vanessa ngadto sa ilaha ni Martin Nievera ug Katrina Ojeda. Matud pa niya going strong ang naulahi tungod kay dili long-distance ang relationship kay magsige man og adto si Martin sa Amerika diin nanimuyo si Katrina, gani mas dako ang panahon nga tua ang singer didto. Labi na karon nga aduna na silay anak.

Labaw'ng imposible nga mag goodbye Philippines si John kay aduna man siyay showbiz career nga mahibilin, ug wala usab siya'y buhaton sa Canada kung ugaling musunod man gyud siya kang Vanessa. Kay sa tinuod lang dili gyud siya maka kwarta susama sa iyang talent fees sa iyang mga TV guesting.

Pangutana, unsa kaha ang mahimong reaksyon ni Janice sa panagbuwag nila ni John ug Vanessa? Napa-smile kaha siya dungan sa pagsulti'ng "What else is new?," hirit pa ni Manay Lolit.

Criselda nagmugna rag istorya

Gi-isahan sa kilay sa mga baklita ang claim ni Criselda Volks nga nakabaton na kini og mga lesbian relationship ug matud pa niya nga aktres ang uban nga mga nakauban niya.

Matud pa sa mga baklesh sa dihang nahinabi sa PangMasa nga nagpa-kontrobersyal lamang si Criselda para maoy mahimong unod sa mga estorya.

Mutuo lamang sila sa mga statement ni Criselda kung dili kini mahadlok nga ibutyag ang pangalan sa mga aktres nga naka uban niya sa kama.

"Hindi ako aktres at lalong hindi ako tomboy kaya sure ako na hindi kasama ang pangalan ko sa mga celebrity na tinutukoy ni Criselda. 'Yon eh kung totoo ang mga sinasabi niya ha?" pagtapos pa ni Manay Lolit Solis.

'Pinoy Tom Cruise'

"Pinoy Tom Cruise" mao kini ang tawag sa mga televiewers kang Vic Sotto kay mala-Tom Cruise man ang reaksyon ni Vic sa dihang mag-celebrate og birthbay sa "Eat Bulaga" niadtong miaging Martes ang iyang girlfriend nga si Pia Guanio.

Nan karon. Si Pia na ba ang Katie Homes sa kinabuhi ni Bossing? Puwede kay puwede man usab ang tubag ni Bossing sa dihang gipangutana kini ni Manay Lolit kung posible ba nga si Pia na ang ulahing girl sa iyang kinabuhi?

Gwen lupig ni Andrew

Daw wala lang mobiya sa Pilipinas si Andrew Wolff kay makita man gihapon siya sa "Shall We Dance" matag Domingo.

Pwes komento ni Manay Lolit Solis, at least, kahibaw si Andrew moduwa kay bisan man tuod og wala siya sa Pilipinas, feeling belong pa gihapon siya kay naka-taping man og pipila ka episode sa "Shall We Dance" ang ex ni Gwen Garci.

Talbog ni Andrew si Gwen nga makita lamang sa TV kung adunay makontra with matching talent fee.