Relo regalo ni Rufa kang Erik

Unsa karon ang gibati ni Erik Santos human siya gitawag og bayot sa kanhi Viva Hotbabe nga si Maui Taylor?

No comment gihapon si Erik gumikan kay matud niya wala siya makadungog dihang gikataho nga miluwat niining maong pamahayag si Maui sa programa sa kontrobersyal karon nga si DJ MO Twister.

Miingon hinoon si Erik nga inay magdinaotay mas maayo nga magtinabangay na lamang silang tanan alang sa mas malambuon nga showbiz industry.

Niadtong Oktubre 10, gisaulog ni Erik ang iyang ika-24 anyos nga sumad sa adlaw'ng natawhan. Unsay giregalo sa iyang uyab nga si Rufa Mae Quinto? Cartier watch nga gisul-ob ug gipaibog ni Erik ngadto sa mga tigbalita. Human niini mipahiyon si Erik ug miingon nga labihan ka "sweet" ni Rufa Mae ug malipayon siya sa ilang relasyon nga upat na ka buwan karon.

Angelica Jones namaligyag mga peke?

How true nga careerless na ang flawless actress nga si Angelica Jones?

Posibling trulili kini tungod kay ang mga himantayon na nakamatikod matud pa namaligya og peke nga mga bag ug sinina ang nahisgutang comedian.

Kahinumduman nga hugyaw ang career ni Angelica Jones tungod kay left and right ang iyang mga shows kaniadto here and abroad. Apan, tungod sa iyang pagka-reyna-reynahan sa iyang mga shows ilabi na sa Chowtime Na, miunlod ang career niini.

Pong pa sa usa ka himantayon nasobrahan ang pagkahawod ni Angelica ug sa iyang mommy Beth sa Chowtime diin si bisan kinsa nga feeling nila hulga o babag sa paglambo sa career ni Angelica ilang ipatangtang diretso. Resulta matud pa, nakarma ang beauty ni Angelica ug siya na mismo ang walay kaugalingong show.