Sam ug John Lloyd, gi-intriga

Karon nagsugod na ang intriga tali kanila ni John Lloyd Cruz ug Sam Milby, kini tungod kay nagkauban man silang duha sa pipila na ka projects sa ABS-CBN.

Una niini mao ang lilas nga "Close To You" ug karon magka-love triangle na usab sila ni Bea Alonzo sa bag-ong teleserye sa channel 2, ang " Maging Sino Ka Man."

Apan si John Llyod nga nahinabi sa PangMasa miingon nga maayo hinuon kay naka-uban siya sa mga sikat ug beyond comparison nga mga stars sama ni Sam nga usa ka tri-media artist-singer, actor ug dancer. Matod pa niya nga dili siya maayo nga singer ug karon pa lamang siya nisuway nga musayaw sa dihang misugot siya nga malakip sa mga cover boys, nga sila si Zanjoe Marudo, Rafael Rosell, Victor Basa ug Sam.

Giangkon ni John Lloyd ngadto sa PangMasa nga daghan siya og mga reservation sa pagsayaw gani karon nag-enjoy siya niini. Giklaro niya nga dili sila maoy gi-ilis sa mga Hunks pero naglaum siya nga musikat sad sila.

Giangkon usab ni John Lloyd nga dili gihapon sila close ni Sam sa pagkakaron kay pareho man sila'ng busy sa ilang trabaho. Gani sa ilang rehersal sa ilang sayaw dili sila magkadungan ug sa show lamang sila magkakita. Samtang sa taping sa "MSKM," lain-lain ang director nila busa dili usab sila magkakuyog.

Bea ug Mico wanay klaro?

Wala'y lipod-lipod si Bea Alonzo sa pagtubag sa mga pangutana kabahin sa boyfriend niya nga si Mico Palanca. Matod pa niya nga sa kadaghan sa iyang trabaho gibana-bana niya nga daw usa ka buwan ug tunga na sila'ng walay klaro'ng panag-estorya ni Mico, gani wala na usab sila nakalaag kauban sa ilang mga common friends.

Subling gitin-aw ni Bea ngadto sa PangMasa nga magkaila na silang daan ni Mico, wala pa magsugod ang ilang teleserye kaniadtong "It Might Be You." Gani kaniadto migawas ang issue nga sila na ni Mico apan wala gyud siya mu-angkon.

Gentleman, guwapo, disente, mao kini ang iyang description kang Mico. Samtang, sa dihang gipangutana siya sa PangMasa kung wala ba siya sakiti dihang mi-angkon si John Lloyd nga aduna na siya'y girlfriend, miingon si Bea dugay na siya nakahibaw kabahin ni Liz Uy kay naghisgot na man sila kabahin niini usa ka higayon sa ilang pag-shooting sa "Close To You". Matod pa niya nga magpabilin sila nga suod nga managhigala ni John Lloyd bisan unsay mahitabo.