Iwa ug Jackie palahubog

Nahibalik na og taping si Iwa Moto sa youth oriented show sa QTV-11 nga "Posh" busa nagpasabot lamang kini nga nahuman na ang iyang suspension balig tulo ka semana gumikan sa iyang kabadlongon.

Samtang wala pa matino kon kanus-a pabalikon sa Fantastikids si Starstruck Winner Jackie Rice, kay hangtud karon wala pay timailhan nga gipasaylo na siya sa GMA Artist Center.

Ang taho nga nasagap sa PangMasa nagkanayon nga ang pagka-late nilang duha sa taping sa usa ka show under direk Gina Alajar maoy nag-una nga hinungdan sa mao nilang pagka suspenso. Misamot ang kapungot sa GMA Artist Center tungod kay matud pa hubog silang duruha nga miabot sa mao nga taping.

Una niini miingon ang tinubdan sa PangMasa nga gipahuwat og upat ka oras ni Jackie si direk Gina Alajar. Ang nakaparat mao nga nangangkon si Jackie nga maong late siya sanglit dugay nahuman ang taping sa lain pa niya nga show.

Ang wala mahibaw-I ni Jackie mao nga duna nay nakahunghong ni direk Gina nga upat na ka oras nga nahuman ang gipanghambog nga taping ni Jackie.

Apil si Iwa sa kalagot sa GMA Artist Center tungod kay matud pa siya maoy nagguyod ni Jackie paingon didto sa set sa show nga ubos sa direksyon ni direk Gina ug silang duruha puro nakainom.

Hinoon nasayran sa PangMasa nga dugay na nga nabalita ang pagka-badlungon ni Jackie ug Iwa. Apan sa maong hitabo ra gayud miulbo ang kaspa sa mga taga GMA Artist kay unang higayon kadto nga matud pa mibutho sila nga ubos sa impluwensya sa ilimnong makahubog.

Una niini mireklamo na ang inahan ni Jackie tungod kay dili na niya mabangbang ang kabadlongon sa iyang anak. Matud pa nga dihay higayun kaniadto nga abli ang ilang shower, apan sa dihang gitan-aw sa iyang madir wala na diay sa banyo si Jackie kay miipsot na kini.

Hinoon karong gabii guest sila si Iwa ug Jackie sa "Showbiz Stripped" ni Ricky Lo sa episode nga giuluhan og "Just Being Girilita o Maldita". Angkunon kaha nila ang tinuod o mu-deny pa gihapon?

Sexbom Rochelle naaksidente

Naaksidente si Rochelle Pangilinan sa taping sa " "Daisy Siete" niadtong Hulyo 31, hinungdan nga nahunong makadiyot ang mao nga taping.

Suma pa sa eksena nahitabo ang maong aksidente atol sa eksena nga mi-tumbling si Rochelle dungan sa pagpatid sa iyang kontra samtang naghigda.

Matud pa nga sa rehearsal, todo bigay si Rochelle sa maong eksena nga maoy usa sa labing nindot niya nga fight scenes sukad nagsugod ang "Landas".

Apan sa dihang nag-take na, wala damha ni Rochelle nga masipyat siya tungod kay pag-tumbling niya naigo ang iyang likod sa camera stand (dolley).

Misinggit si Rochelle sa kasakit kay didto mitugpa ang iyang likod sa tunga-tunga sa puthaw. Apan mibilib ni Rochelle ang staff tungod kay wala gayud siya mihangyo nga I-pack up ang mao nga taping.

Maayo nalang gani kay ang sunod nga eksena "reunion " na kauban sa iyang daughter sa maong soap nga si Ernestina busa dili na kaayo bug-at alang kaniya.

"Alam kasi niya na mangangarag sa editing kapag na-delay pa ang taping kaya kahit nahihirapan, tinuloy pa rin niya. Natutuwa ako dahil ito ang klase ng talent na talagang mamahalin ng kahit sinong manager at mga ka-trabaho. Very professional. Yun nga lang, talagang worried ako dahil hindi agad nagpa-check-up si Rochelle at kailangan ko pang pagalitan at pasamahan sa doktor dahil inuuna pa rin niya ang iba pang trabaho," pagbutyag sa manager ni Rochelle nga si Joy Cancio.