Alfred out na sa 'Barang'

Wala nay labot si Alfred Vargas sa lilas nga i-produce ni Governor Chavit Singson suma pa sa tsika sa manager mismo sa nahisgutan nga si Manay Lolit Solis kinsa kolumnista usab sa PangMasa.

Kini tungod kay sugdan na ang shooting sa ZsaZsa Zaturnnah hinungdan nga wala nay panahon si Alfred alang sa shooting sa "Barang", ang project sa gobernador. Miingon si Manay Lolit nga madala ra unta kadto kon sa Metro Manila ra ang shooting, apan imposibli kay nasabutan na nga adto kini gam-on sa Vigan.

Sayang ang project matud pa ni Manay tungod kay gawas nga dako ang budget, buotan pa gayud ang director niini nga si Buboy Tan.

Nahimu na nga director kaniadto ni Tonton Gutierrez si Buboy ug matud pa usa siya sa makapamatu-od nga wala gyu'y tensyon ang set basta si Buboy ang direktor kay cool kaayo kini.

Viva Hotmen bungkag na

Nabungkag na ang Viva Hotmen apan dunay gi-umol nga hulip nga all male group gihapon ang Viva Films.

Nasayran sa PangMasa nga bugtong si Justin de Leon ra gyud ang nagpabilin nga original member sa Viva ug maoy nalakip sa bag-ong grupo nga gi-build-up isip bag-ong mga sexy stars sa Viva. Gitangtang na si Justin sa "Gudtym" sa ABS-CBN tungod kay regular na siya sa "Hokus Pokus" sa GMA-7 matag Sabado.

Hinoon si Allen Dizon nga original nga member sa Viva Hotmen aktibo pa gani usab siya sa mga dagko og roles sa umaabot nga pelikula ni direk Mel Chionglo- ang "Twilight Dancers" diin bida si Tyron Perez.

Victor Neri gimingaw og action

Kung si Viktor Neri ang pangutan-on, gusto niyang buhi-on ang action films. Gani mas gusto niya nga mag-action kaysa sa drama apan sakit man palandungun wala na kaayoy musupurta niini sa pagkakaron.

"Kailangan kasi natin ng bagong plot sa action. Ang nangyari kasi, pare-pareho na lang ang naging istorya. Ayaw na ng mga tao ng tungkol sa corrupt politician tapos lalabanan ng bida. Laos na 'yung mga ganyang story," yawyaw pa ni Victor sa interview sa PangMasa.

Apil diay si Alfred sa "Super Noypi" sa Regal Films diin bida si Mark Herras ug loveteam niya si Jennylyn Mercado. Ang maong lilas isalmot sa Metro Manila Films Festival karong December.