Andam na ang sunod project ni Juday

Soap opera ang sunod nga project ni Judy Ann Santos human unya sa pagtak-op "Sa Piling Mo" diin gihangop kini sa aktres tungod kay matud pa niya murag magpangita na ang iyang lawas nga mo-arte sa soaps.

Samtang nasayran sa PangMasa nga gikatakdang sugdan na ni Juday ang "Kasal Kasalan, Kasalo" ubos sa Star Cinema diin kauban niya ang iyang uyab nga si Ryan Agoncillo.

Nanghinaot si Juday nga molusot kini isip entry sa 2006 Metro Manila Film Festival tungod kay matud pa niya, "ang tuwa ko siguro if, for the first time, sasakay kami sa float na magkasama ni Ryan. Isang bahagi ng yearly MMFF na all stars na may entry look forward to ay ang Parada ng Mga Bituin. Ang ganda kasi ng feeling na parang nakikipag-interact ka sa mga manonood ng Pelikulang Pilipino."

Kon mahinayon ang maong proyekto si Joey Javier Reyes ang gikatakda nga director sa maong project.

Bea Alonzo wala magproblema ni Heart

Gitin-aw ni Bea Alonzo nga wala silay suliran ni Heart Evangelista bisan og siya gayud ang nahinayon aron modala sa papel nga Jinky sa "Pacquiao Movie" opposite Jericho Rosales.

Kon kahinumduman man gud si Echo maoy mihangyo nga si Heart na lang ang himoon nga Jinky apan wala kini mahinayon tungod kay mas haom si Bea sanglit mestiza usab siya.

Gipanghimakak usab ni Bea nga nakig-istorya una siya kang Heart una siya midawat sa role nga Jinky. "Kung paanong hindi niya naman ako kino-consult kapag may projects siya, I think there's no need din naman for me na i-consult siya sa mga projects ko," pong pa niya.

Samtang miingon si Bea nga dugay na siya nga nasayod nga dunay uyab nga Chinese si John Llyod tungod kay naghisgot na niini ang naulahi ug matud pa niya wala siyay problema tungod kay wala man gayud silay relasyon sa ulitawo gawas lang nga sila maoy magka-loveteam.

'I Love New York" sumpayan

Hayan mamalik pa didto sa New York sila si Jolina Magdangal, Marvin Agustin, Jennylyn Mercado ug Mark Herras tungod kay matud pa sa PangMasa nakauyon ang management sa Kapuso sa taas nga rating sa 'I Love New York" ug laraw karon nga sumpayan pa kini.

Pwes pabalikon ang upat ngadto sa "Big Apple" aron magdugang og mga eksena apan kadali ra unya kini tungod kay dunay festival movie nga himoon sila si Jennylyn ug Mark ubos sa mga kamot ni direk Joel Lamangan.