Teri mobalik pa sa Lagot Ka?

Posibli pa nga mobalik si Teri Aunor sa sitcom nga Lagot ka Isusumbong Kita sa GMA-7 sanglit wala pa gyaud diay hingpit gibasura sa iyang manager nga si Jun Nardo ang maong posibilidad.

Ang tsika sa PangMasa mao nga nangayo na og dispensa ang executive producer sa nahisgutan nga show ngadto kang Nardo ug padayon na karon ang negosasyon aron sa pagbalik na unya ni Teri.

Nasayran nga midesisyon niadtong Biyernes ang kampo ni Teri nga mobiya na sa hingpit ang naulahi sa nahisgutan nga sitcom sanglit wala siya paluyohi sa iyang show didto sa Zirkoh bar niadtong nakalabay nga Martes.

Nangluod si Teri tungod kay bugtong si Maureen Larrazabal lang ang mibutho atol sa iyang show nga unta nagkasabot naman sila sa executive producer sa Lagot ka nga ang tibook cast sa maong show maoy molugwa aron mohatag og suporta.

Tungod niini wala makaapil si Teri sa taping sa Lagot Ka didto sa Ilo-ilo City niadtong Biyernes tungod kay midesisyon naman ang iyang kampo nga biyaan na niya ang maong show.