Lahi nga John Prats masaksihan

Lahi nga John Prats ang inyong masaksihan ug matan-awan sa pelikulang "Mano Po 4 Ako Legal Wife."

Kini kay ang bagitong aktor modala sa papel nga usa ka bayot.

"At first, I thought masaya at madali magbading. Hindi pala. It's a lot of hard work as you have to be consistent all the time. What I did is I made Direk Joel Lamangan my pattern. Sinusundan ko lang siya," matud pa ni Prats.

Gipasabot ni Prats sa iyang mga fans nga wala sila'y angayang kabalak-an sa iyang tinuoray nga gender tungod kay "comedy naman ito and it's about time makapanood naman sila ng ibang klaseng John Prats." Anak si Prats ni Zsa Zsa Padilla sa maong pelikula.

Gilangkuban usab ang Mano Po 4 nila ni Jay Manalo, Cherry Pie Picache, Rufa Mae Quinto, John Prats, Julianne Lee, Ella Guevara, Bianca King ug JC de Vera.

Samtang sa pikas nga bahin, daghang movie roles ug television offers si Zsa Zsa Padilla apan iya kining gibalibaran tungod sa mga sensitibong eksena.

"As a wife and a mother, hindi kasi kailangang tumatanggap ng pelikulang may sensitive scenes, kahit kissing scenes, para na rin sa pamilya ko," matud pa ni Padilla. Midason si Padilla nga gisayangan pud siya sa mga pelikulang iyang gipangbalibaran tungod kay ang mga artistang midala niini nga diin unta siya ang modala, makadaog man og mga awards.